California

ਨਵੇਂ ਕਾਂਗਰੇਸੀ ਜ਼ਿਲ੍ਹਿਆਂ ਦੀਆਂ ਸੀਮਾਵਾਂ ਨੂੰ ਮਨਜ਼ੂਰੀ ਦੇਣ ਅਤੇ ਕੈਲੀਫੋਰਨੀਆ ਵਾਸੀਆਂ ਨੂੰ ਟਰੰਪ ਪ੍ਰਸ਼ਾਸਨ ਦੇ ਖਿਲਾਫ ਲੜਨ ਦਾ ਇੱਕ ਹੋਰ ਰਸਤਾ ਦੇਣ ਲਈ ਪ੍ਰਸਤਾਵ 50 'ਤੇ ਹਾਂ ਵਿੱਚ ਵੋਟ ਕਰੋ। 

ਪਹਿਲੇ ਦਿਨ ਤੋਂ ਹੀ, ਕੈਲੀਫੋਰਨੀਆ ਦੇ ਲੋਕ ਟਰੰਪ ਪ੍ਰਸ਼ਾਸਨ ਅਤੇ ਉਨ੍ਹਾਂ ਦੇ MAGA ਰਿਪਬਲਿਕਨਾਂ ਵੱਲੋਂ ਹਮਲਿਆਂ ਦਾ ਸਾਹਮਣਾ ਕਰ ਰਹੇ ਸਾਡੇ ਭਾਈਚਾਰਿਆਂ ਦੀ ਰੱਖਿਆ ਕਰਨ ਦੇ ਲਈ ਮੋਹਰੀ ਕਤਾਰ ਵਿੱਚ ਰਹੇ ਹਨ। ਪ੍ਰਸਤਾਵ 50 ਦੇ ਨਾਲ, ਕੈਲੀਫੋਰਨੀਆ ਦੇ ਵੋਟਰਾਂ ਕੋਲ ਸਿਹਤ ਸੰਭਾਲ ਵਿੱਚ ਰਿਪਬਲਿਕਨ ਵੱਲੋਂ ਕੀਤੀਆਂ ਗਈਆਂ ਕਟੌਤੀਆਂ, ਟੈਰਿਫਾਂ ਅਤੇ ਕਾਰਪੋਰੇਟਕੀਮਤ ਸਮੂਹੀਕਰਨ  ਦੇ ਅਧੀਨ ਰਹਿਣ-ਸਹਿਣ ਦੀ ਵਧਦੀ ਲਾਗਤ ਅਤੇ ਪ੍ਰਵਾਸੀਆਂ ਨੂੰ ਬੇਰਹਿਮੀ ਨਾਲ ਅਗਵਾ ਕਰਨ ਅਤੇ ਉਨ੍ਹਾਂ ਨੂੰ ਜਬਰਦਸਤੀ ਕੱਢੇ ਜਾਣ ਖਿਲਾਫ ਲੜਨ ਦਾ ਇੱਕ ਹੋਰ ਮੌਕਾ ਹੈ। 

ਪ੍ਰਸਤਾਵ 50 ਕੈਲੀਫੋਰਨੀਆ ਦੀਆਂ ਚੋਣਾਂ ਵਿੱਚ ਸਥਾਈ ਬਦਲਾਅ ਨਹੀਂ ਹੈ, ਸਗੋਂ ਰਾਸ਼ਟਰਪਤੀ ਟਰੰਪ ਅਤੇ ਟੈਕਸਾਸ ਵਿੱਚ ਰਾਜ ਦੇ ਆਗੂਆਂ ਵੱਲੋਂ ਆਯੋਜਿਤ ਰਿਪਬਲਿਕਨ ਸੱਤਾ ਹੜੱਪਣ ਦੀ ਕੋਸ਼ਿਸ਼ ਦਾ ਸਿੱਧਾ ਜਵਾਬ ਹੈ, ਜਿਨ੍ਹਾਂ ਨੇ ਅਮਰੀਕੀ ਪ੍ਰਤੀਨਿਧੀ ਸਭਾ ਵਿੱਚ ਪੰਜ ਹੋਰ ਸੀਟਾਂ ਹਾਸਲ ਕਰਨ ਲਈ ਕਾਂਗਰੇਸੀ ਜ਼ਿਲ੍ਹਿਆਂ ਦੀਆਂ ਸੀਮਾਵਾਂ ਨੂੰ ਦੁਬਾਰਾ ਪਰਿਭਾਸ਼ਤ ਕੀਤਾ ਸੀ। 

ਪ੍ਰਸਤਾਵ 50 ਕੈਲੀਫੋਰਨੀਆ ਦੇ 52 ਕਾਂਗਰੇਸੀ ਜ਼ਿਲ੍ਹਿਆਂ ਵਿੱਚੋਂ ਕਈ ਦੇ ਲਈ ਨਵੀਆਂ ਸੀਮਾਵਾਂ ਦਾ ਪ੍ਰਸਤਾਵ ਕਰਦਾ ਹੈ, ਜੋ ਟੈਕਸਾਸ ਵੱਲੋਂ ਬਣਾਈਆਂ ਗਈਆਂ ਪੰਜ ਰਿਪਬਲਿਕਨ ਸੀਟਾਂ ਨੂੰ ਰੱਦ ਕਰ ਦੇਵੇਗਾ। ਜੇਕਰ ਇਹ ਪਾਸ ਹੋ ਜਾਂਦਾ ਹੈ, ਤਾਂ ਕੈਲੀਫੋਰਨੀਆ ਦੇ ਨਵੇਂ ਕਾਂਗਰੇਸੀ ਜ਼ਿਲ੍ਹੇ ਸਿਰਫ਼ 2026, 2028 ਅਤੇ 2030 ਦੀਆਂ ਚੋਣਾਂ ਲਈ ਪ੍ਰਭਾਵੀ ਹੋਣਗੇ, ਜਿਸ ਤੋਂ ਬਾਅਦ 2030 ਦੀ ਮਰਦਮਸ਼ੁਮਾਰੀ ਤੋਂ ਬਾਅਦ ਮੁੜ ਵੰਡ ਰਾਜ ਦੇ ਸੁਤੰਤਰ ਮੁੜ ਵੰਡ ਆਯੋਗ ਨੂੰ ਵਾਪਸ ਕਰ ਦਿੱਤੀ ਜਾਵੇਗੀ। ਪ੍ਰਸਤਾਵਿਤ ਨਿਯਮਾਂ ਦੇ ਤਹਿਤ, ਡੈਮੋਕਰੇਟ ਅਮਰੀਕੀ ਪ੍ਰਤੀਨਿਧੀ ਸਭਾ ਵਿੱਚ 5 ਸੀਟਾਂ ਤੱਕ ਹਾਸਲ ਕਰ ਸਕਦੇ ਹਨ। ਸਦਨ ਵਿੱਚ ਬਹੁਮਤ ਦੇ ਨਾਲ, ਡੈਮੋਕਰੇਟ ਟਰੰਪ ਅਤੇ ਰਿਪਬਲਿਕਨਾਂ ਦੇ MAGA ਏਜੰਡੇ ਦੇ ਖਿਲਾਫ ਲੜ ਸਕਦੇ ਹਨ। 

ਜਦੋਂ ਕਿ ਟੈਕਸਾਸ ਦੇ ਨਵੇਂ ਜ਼ਿਲ੍ਹੇ ਵੋਟਰਾਂ ਦੀ ਤਾਕਤ ਨੂੰ ਘੱਟ ਤੋਂ ਘੱਟ ਕਰਦੇ ਹਨ - ਖਾਸ ਕਰਕੇ ਕਾਲੇ ਵੋਟਰ ਅਤੇ 2024 ਵਿੱਚ ਕਮਲਾ ਹੈਰਿਸ ਨੂੰ ਵੋਟ ਪਾਉਣ ਵਾਲੇ ਲੋਕ - ਅਤੇ ਬਿਨਾਂ ਕਿਸੇ ਜਨਤਕ ਸੁਝਾਅ ਦੇ ਪਾਸ ਕੀਤਿਆਂ, ਉਹੀ ਪ੍ਰਸਤਾਵਿਤ ਕੈਲੀਫੋਰਨੀਆ ਦਾ ਨਕਸ਼ਾ ਜਨਤਾ ਦੇ ਸੁਝਾਅ 'ਤੇ ਤਿਆਰ ਕੀਤਾ ਗਿਆ ਸੀ ਅਤੇ ਅਖੀਰ ਵਿੱਚ ਇਸ ਨੂੰ ਮਨਜ਼ੂਰੀ ਦੇਣਾ ਵੋਟਰਾਂ 'ਤੇ ਨਿਰਭਰ ਹੈ।

ਪ੍ਰਸਤਾਵ 50 'ਤੇ ਹਾਂ ਵਿੱਚ ਵੋਟ ਪਾਉਣਾ ਕਿਉਂ ਮਾਇਨੇ ਰੱਖਦਾ ਹੈ

• ਟਰੰਪ ਆਪਣੇ ਏਜੰਡੇ ਵਿੱਚੋਂ ਜ਼ਿਆਦਾਤਰ ਨੂੰ ਹਾਸਲ ਕਰਨ ਵਿੱਚ ਸਮਰੱਥ ਰਹੇ ਹਨ, ਕਿਉਂਕਿ ਮੌਜੂਦਾ ਸ਼ਾਸਨ ਦੇ ਕੋਲ ਅਮਰੀਕੀ ਪ੍ਰਤੀਨਿਧੀ ਸਭਾ (219-213, ਜਿਸ ਵਿੱਚ ਐਰੀਜ਼ੋਨਾ ਵਿੱਚ ਇੱਕ ਨਵੇ ਚੁਣੇ ਗਏ ਐਰੀਜ਼ੋਨਾ ਡੈਮੋਕ੍ਰੇਟਿਕ ਪ੍ਰਤੀਨਿਧੀ ਦੇ ਬੈਠਣ ਦੀ ਉਡੀਕ ਹੈ ਅਤੇ ਅਤੇ ਦੋ ਖਾਲੀ ਅਸਾਮੀਆਂ ਦੇ ਨਾਲ) ਅਤੇ ਸੈਨੇਟ (51-49) ਵਿੱਚ ਸੀਮਤ ਬਹੁਮਤ ਹੈ, ਜਿਸਨੇ ਉਨ੍ਹਾਂ ਦੀਆਂ ਸ਼ਕਤੀਆਂ 'ਤੇ ਲਗਾਮ ਲਗਾਉਣ ਤੋਂ ਇਨਕਾਰ ਕਰ ਦਿੱਤਾ ਹੈ। 
• ਜੁਲਾਈ ਵਿੱਚ, ਟਰੰਪ ਨੇ ਉਹਨਾਂ ਸੰਕੁਚਿਤ ਰਿਪਬਲਿਕਨ ਹਾਊਸ ਅਤੇ ਸੈਨੇਟ ਬਹੁਮਤਾਂ ਦਾ ਇਸਤੇਮਾਲ ਕਰਕੇ ਇੱਕ ਕੇਂਦਰੀ ਬਜਟ ਪਾਸ ਕੀਤਾ, ਜਿਸ ਨਾਲ 1.5 ਕਰੋੜ ਲੋਕਾਂ ਦੀ ਸਿਹਤ ਸੇਵਾ ਕਵਰੇਜ ਵਿੱਚ ਕਟੌਤੀ ਹੋਵੇਗੀ, ਕਿਰਾਏਦਾਰਾਂ ਦੀ ਸਹਾਇਤਾ ਵਿੱਚ ਅੱਧੇ ਤੋਂ ਜ਼ਿਆਦਾ ਦੀ ਕਟੌਤੀ ਹੋਵੇਗੀ, ਲਗਭਗ 4.3 ਕਰੋੜ ਵਿਦਿਆਰਥੀ ਕਰਜ਼ਾ ਲੈਣ ਵਾਲੇ ਵਿਦਿਆਰਥੀਆਂ ਦੀ ਕਰਜ਼ਾ ਲਾਗਤ ਵਧੇਗੀ, ਪਲਾਨਡ ਪੇਰੇਂਟਹੂਡ ਨੂੰ ਵਿੱਤੀ ਮਦਦ ਤੋਂ ਵਾਂਝਾ ਕੀਤਾ ਜਾਵੇਗਾ ਅਤੇ ਹੋਰ ਵੀ ਬਹੁਤ ਕੁਝ ਕੀਤਾ ਜਾਵੇਗਾ - ਇਹ ਸਭ ਕਾਰਪੋਰੇਸ਼ਨਾਂ ਅਤੇ ਅਮੀਰਾਂ ਲਈ ਟੈਕਸ ਕਟੌਤੀਆਂ ਦਾ ਭੁਗਤਾਨ ਕਰਨ ਲਈ ਅਤੇ ਪ੍ਰਵਾਸੀ ਭਾਈਚਾਰਿਆਂ 'ਤੇ ਅਣਮਨੁੱਖੀ ਹਮਲਿਆਂ ਲਈ ਬਜਟ ਨੂੰ ਤਿੰਨ ਗੁਣਾ ਕਰਨ ਲਈ ਕੀਤਾ ਜਾਵੇਗਾ। ਇਹ ਸਭ ਲੋਕਾਂ ਦੀ ਇੱਛਾ ਦੇ ਖਿਲਾਫ ਕੀਤਾ ਗਿਆ, ਜਿਨ੍ਹਾਂ ਵਿੱਚੋਂ 3 ਵਿੱਚੋਂ 2 ਨੇ ਨਵੇਂ ਬਜਟ ਦਾ ਵਿਰੋਧ ਕੀਤਾ ਸੀ, ਇਹੀ ਕਾਰਨ ਹੈ ਕਿ ਟਰੰਪ ਅਤੇ MAGA ਰਿਪਬਲਿਕਨ ਮੱਧਕਾਲੀ ਚੋਣਾਂ ਵਿੱਚ ਰਿਪਬਲਿਕਨਾਂ ਦੇ ਹੱਕ ਵਿੱਚ ਧਾਂਦਲੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਇਸ ਦੇ ਉਲਟ, ਹਾਊਸ ਅਤੇ ਸੈਨੇਟ ਦੇ ਡੈਮੋਕ੍ਰੇਟਸ ਨੇ ਸਾਰੇ ਅਮਰੀਕੀਆਂ ਨੂੰ ਸਿਹਤ ਬੀਮਾ ਦੇਣ ਲਈ Medicare ਦਾ ਵਿਸਤਾਰ ਕਰਨ, ਵਧੇਰੇ ਕਿਫਾਇਤੀ ਰਿਹਾਇਸ਼ ਲਈ ਫੰਡ ਦੇਣ, ਸਰਕਾਰੀ ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਨੂੰ ਟਿਊਸ਼ਨ-ਮੁਕਤ ਬਣਾਉਣ, ਦੇਸ਼ ਭਰ ਵਿੱਚ ਗਰਭਪਾਤ ਦੀ ਰੱਖਿਆ ਕਰਨ ਅਤੇ ਨਾਗਰਿਕਤਾ ਦਾ ਰਾਹ ਪੱਕਾ ਕਰਨ ਲਈ ਬਿੱਲ ਲਿਖੇ ਹਨ - ਜਿਨ੍ਹਾਂ ਵਿੱਚੋਂ ਕੋਈ ਵੀ ਰਿਪਬਲਿਕਨ ਦੇ ਬਹੁਮਤ 'ਚ ਆਉਣ ਤੋਂ ਬਿਨ੍ਹਾਂ ਪਾਸ ਨਹੀਂ ਹੋਵੇਗਾ।
• ਕੈਲੀਫੋਰਨੀਆ ਵੱਲੋਂ ਫਿਲਹਾਲ ਪ੍ਰਤੀਨਿਧੀ ਸਭਾ ਵਿੱਚ 43 ਡੈਮੋਕ੍ਰੇਟਸ ਅਤੇ 9 ਰਿਪਬਲਿਕਨ ਅਤੇ ਸੈਨੇਟ ਵਿੱਚ 2 ਡੈਮੋਕ੍ਰੇਟਸ ਦੀ ਪ੍ਰਤੀਨਿਧਤਾ ਹੈ। ਸਾਰੇ ਨੌਂ ਰਿਪਬਲਿਕਨਾਂ ਨੇ ਸੰਘੀ ਬਜਟ ਦੇ ਹੱਕ ਵਿੱਚ ਵੋਟ ਪਾਈ ਅਤੇ ਸਾਰੇ ਡੈਮੋਕ੍ਰੇਟਸ ਨੇ ਇਸਦੇ ਖਿਲਾਫ ਵੋਟ ਪਾਈ। ਜੇਕਰ ਵੋਟਰ ਪ੍ਰਸਤਾਵ 50 ਪਾਸ ਕਰਦੇ ਹਨ, ਤਾਂ ਕੈਲੀਫੋਰਨੀਆ ਦੀ ਪ੍ਰਤੀਨਿਧੀ ਸਭਾ ਵਿੱਚ ਪ੍ਰਤੀਨਿਧਤਾ 48 ਡੈਮੋਕ੍ਰੇਟਸ ਅਤੇ 4 ਰਿਪਬਲਿਕਨਾਂ ਵਿੱਚ ਤਬਦੀਲ ਹੋ ਸਕਦੀ ਹੈ ਅਤੇ ਪ੍ਰਤੀਨਿਧੀ ਸਭਾ ਵਿੱਚ ਬਹੁਤ ਦਾ ਨਿਯੰਤਰਣ ਨਿਰਧਾਰਤ ਕਰ ਸਕਦੀ ਹੈ। 
• ਇਹ ਵਿਸ਼ੇਸ਼ ਚੋਣ ਆਖਰਕਾਰ ਕੈਲੀਫੋਰਨੀਆ ਵਾਸੀਆਂ ਬਾਰੇ ਹੈ ਜੋ ਸਾਡੇ ਲੋਕਤੰਤਰ ਦਾ ਬਚਾਅ ਕਰਦੇ ਹਨ – ਦੇਸ਼ ਦੀ ਅਗਵਾਈ ਕਰ ਰਿਹਾ ਹੈ ਕਿਉਂਕਿ ਟਰੰਪ ਅਤੇ ਰਿਪਬਲਿਕਨ ਨੇਤਾ ਟੈਕਸਾਸ ਅਤੇ ਹੋਰ ਰਾਜਾਂ ਵਿੱਚ ਕਾਲੇ ਅਤੇ ਲੈਟਿਨੋ ਵੋਟਰਾਂ ਦੀ ਵੋਟਿੰਗ ਸ਼ਕਤੀ ਨੂੰ ਮਿਟਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਲਾਲ ਰਾਜਾਂ ਵਿੱਚ, ਮੱਧ-ਦਹਾਕੇ ਤੋਂ ਹੀ ਮੁੜ ਵੰਡ ਲੋਕਾਂ ਦੀ ਇੱਛਾ ਨੂੰ ਨਜ਼ਰਅੰਦਾਜ਼ ਕਰਦੇ ਹੋਏ ਰਾਜਨੀਤਿਕ ਵਿਧਾਇਕਾਂ ਵੱਲੋਂ ਕੀਤੀ ਜਾ ਰਹੀ ਹੈ, ਲੇਕਿਨ ਕੈਲੀਫੋਰਨੀਆ ਵਿੱਚ, ਲੋਕਾਂ ਕੋਲ ਨਵੇਂ ਨਕਸ਼ੇ ਬਾਰੇ ਆਪਣੀ ਰਾਏ ਰੱਖਣ ਦਾ ਆਖਰੀ ਮੌਕਾ ਹੈ ਅਤੇ ਅਸੀਂ ਕਿਵੇਂ ਚਾਹੁੰਦੇ ਹਾਂ ਕਿ ਸਾਡੇ ਨੇਤਾ ਸਾਡੇ ਰਾਜ ਅਤੇ ਰਾਸ਼ਟਰ ਲਈ ਖੜ੍ਹੇ ਹੋਣ। ਅਤੇ ਫਿਰ ਅਸੀਂ ਆਪਣੇ ਭਾਈਚਾਰਿਆਂ, ਸਾਡੇ ਸਮਾਜਿਕ ਸੁਰੱਖਿਆ ਤੰਤਰ ਅਤੇ ਸਾਡੇ ਬਟੂਏ 'ਤੇ ਅਰਬਪਤੀਆਂ ਵੱਲੋਂ ਸਮਰਥਤ ਛਾਪਿਆਂ ਵਿਰੁੱਧ ਲੜ ਸਕਦੇ ਹਾਂ।

ਪ੍ਰਸਤਾਵ 50 ਲਈ ਸਮਰਥਨ:

• ਪ੍ਰਸਤਾਵ 50 ਦੇ ਹੱਕ ਵਿੱਚ "ਹਾਂ" ਕਹਿਣ ਨੂੰ ਕੈਲੀਫ਼ੋਰਨੀਆ ਅਤੇ ਰਾਸ਼ਟਰੀ ਡੈਮੋਕ੍ਰੈਟਸ ਅਤੇ ਪ੍ਰਗਤਿਵਾਦੀਆਂ ਦਾ ਸਮਰਥਨ ਹੈ, ਜਿਸ ਵਿੱਚ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ, ਸਾਬਕਾ ਅਟਾਰਨੀ ਜਨਰਲ ਅਤੇ ਨੈਸ਼ਨਲ ਡੈਮੋਕ੍ਰੈਟਿਕ ਰੀਡਿਸਟ੍ਰਿਕਟਿੰਗ ਕਮੇਟੀ ਦੇ ਚੇਅਰ ਐਰਿਕ ਹੋਲਡਰ, ਅਮਰੀਕੀ ਸੈਨੇਟਰ ਬਰਨੀ ਸੈਂਡਰਜ਼, ਅਮਰੀਕੀ ਸੈਨੇਟਰ ਐਲਿਜ਼ਾਬੇਥ ਵਾਰਨ ਅਤੇ ਪ੍ਰਤਿਨਿਧੀ ਸ਼ਾਮਲ ਹਨ। ਅਲੈਗਜ਼ੈਂਡਰੀਆ ਓਕਾਸੀਓ-ਕੋਰਟੇਜ਼।
   
• ਕੈਲੀਫੋਰਨੀਆ ਦੇ ਸਮੂਹ ਅਤੇ ਆਗੂ, ਜਿਵੇਂ ਕਿ ਕਰੇਜ ਕੈਲੀਫੋਰਨੀਆ, SEIU ਕੈਲੀਫੋਰਨੀਆ, ਕੈਲੀਫੋਰਨੀਆ ਲੇਬਰ ਫੈਡਰੇਸ਼ਨ, ਕੈਲੀਫੋਰਨੀਆ ਟੀਚਰਜ਼ ਐਸੋਸੀਏਸ਼ਨ, ਪਲੈਨਡ ਪੇਰੈਂਟਹੁੱਡ ਐਫੀਲੀਏਟਸ ਆਫ਼ ਕੈਲੀਫੋਰਨੀਆ, ਕੈਲੀਫੋਰਨੀਆ ਵਰਕਿੰਗ ਫੈਮਿਲੀਜ਼ ਪਾਰਟੀ ਅਤੇ 2020 ਵਿੱਚ ਮਰਦਮਸ਼ੁਮਾਰੀ ਅਤੇ ਜ਼ਿਲ੍ਹਿਆਂ ਦੀ ਮੁੜ ਵੰਡ 'ਤੇ ਕੰਮ ਕਰਨ ਵਾਲੇ ਸੰਗਠਨ, ਜਿਵੇਂ ਕਿ ਇਨਲੈਂਡ ਐਂਪਾਇਰ ਯੂਨਾਈਟਿਡ ਅਤੇ ਕਮਿਊਨਿਟੀਜ਼ ਫਾਰ ਏ ਨਿਊ ਕੈਲੀਫੋਰਨੀਆ ਐਕਸ਼ਨ ਫੰਡ। 
• ਸਮਰਥਕ ਇਸ ਸਮਝ ਨਾਲ ਪ੍ਰਸਤਾਵ ਦਾ ਸਮਰਥਨ ਕਰਦੇ ਹਨ ਕਿ ਇਹ ਇੱਕ ਅਸਥਾਈ ਹੱਲ ਹੈ ਅਤੇ 2030 ਵਿੱਚ ਜ਼ਿਲਿਆਂ ਦੀ ਸੁਤੰਤਰ ਮੁੜ ਵੰਡ ਆਯੋਗ ਵਿੱਚ ਵਾਪਸ ਆ ਜਾਵੇਗੀ। 
• ਪ੍ਰਸਤਾਵ 50 ਦੇ ਸਮਰਥਨ ਵਿੱਚ ਗਵਰਨਰ ਨਿਊਜ਼ਮ ਦੀ ਸਟਾਪ ਇਲੈਕਸ਼ਨ ਰਿਗਿੰਗ ਰਿਸਪਾਂਸ ਐਕਟ ਬੈਲਟ ਮਾਪ ਕਮੇਟੀ ਨੇ 95 ਮਿਲੀਅਨ ਡਾਲਰ ਤੋਂ ਵੱਧ ਦੀ ਰਕਮ ਜੁਟਾਈ ਹੈ, ਜਿਸ ਵਿੱਚ ਗਵਰਨਰ ਨਿਊਜ਼ਮ ਦੀਆਂ ਮੁਹਿੰਮ ਕਮੇਟੀਆਂ, ਫੰਡ ਫਾਰ ਪਾਲਿਸੀ ਰਿਫਾਰਮ, ਹਾਊਸ ਮੇਜੋਰਿਟੀ ਪੀਏਸੀ, ਗਿਵਗ੍ਰੀਨ ਯੂਨਾਈਟਿਡ ਐਕਸ਼ਨ, ਡੈਮੋਕ੍ਰੇਟਿਕ ਗਵਰਨਰਜ਼ ਐਸੋਸੀਏਸ਼ਨ, ਕੈਲੀਫੋਰਨੀਆ ਟੀਚਰਜ਼ ਐਸੋਸੀਏਸ਼ਨ, SEIU ਕੈਲੀਫੋਰਨੀਆ ਅਤੇ ਕੈਲੀਫੋਰਨੀਆ ਲੇਬਰ ਫੈਡਰੇਸ਼ਨ ਸਮੇਤ ਮਜ਼ਦੂਰ ਯੂਨੀਅਨਾਂ, ਕਈ ਕਾਰੋਬਾਰੀ ਅਤੇ ਤਕਨੀਕੀ ਅਧਿਕਾਰੀ ਅਤੇ ਹੋਰ ਵਿਅਕਤੀਗਤ ਦਾਨੀਆਂ ਦੇ ਮਹੱਤਵਪੂਰਨ ਯੋਗਦਾਨ ਹਨ। 

ਪ੍ਰਸਤਾਵ 50 ਦਾ ਵਿਰੋਧ: 

• ਪ੍ਰਸਤਾਵ 50 'ਤੇ ਕੈਲੀਫੋਰਨੀਆ ਅਤੇ ਰਾਸ਼ਟਰੀ ਰਿਪਬਲਿਕਨਾਂ ਵੱਲੋਂ ਸਮਰਥਨ ਨਹੀਂ ਦਿੱਤਾ ਗਿਆ ਹੈ, ਜਿਨ੍ਹਾਂ ਵਿੱਚੋਂ ਕੁਝ ਨੇ ਸੁਤੰਤਰ ਮੁੜ ਵੰਡ ਆਯੋਗ ਦੀ ਸਥਾਪਨਾ ਵਿੱਚ ਮਦਦ ਕੀਤੀ ਸੀ, ਜਿਵੇਂ ਕਿ ਸਾਬਕਾ ਗਵਰਨਰ ਅਰਨੋਲਡ ਸ਼ਵਾਰਜ਼ਨੇਗਰ ਅਤੇ ਰਿਪਬਲਿਕਨ ਮੈਗਾਡੋਨਰ ਚਾਰਲਸ ਮੁੰਗੇਰ ਜੂਨੀਅਰ।
• ਕਈ ਰਾਜਾਂ ਦੇ ਰਿਪਬਲਿਕਨਾਂ ਅਤੇ ਡੈਮੋਕ੍ਰੇਟਾਂ ਨੇ ਪ੍ਰਸਤਾਵ 50 ਬਾਰੇ ਵਿਰੋਧ ਜਾਂ ਸ਼ੱਕ ਜ਼ਾਹਰ ਕੀਤਾ ਹੈ, ਨਾਲ ਹੀ ਇਸ ਬਾਰੇ ਚਿੰਤਾਵਾਂ ਪ੍ਰਗਟ ਕੀਤੀਆਂ ਹਨ ਕਿ ਮੱਧ-ਦਹਾਕੇ ਦੀ ਮੁੜ ਵੰਡ ਦਾ ਦੇਸ਼ ਭਰ ਵਿੱਚ ਅਤੇ ਲੰਬੇ ਸਮੇਂ ਵਿੱਚ ਕੀ ਪ੍ਰਭਾਵ ਹੋਵੇਗਾ। 
• ਮੁੰਗੇਰ - ਜਿਨ੍ਹਾਂ ਨੇ ਰਿਪਬਲਿਕਨ ਉਮੀਦਵਾਰਾਂ, ਗਰਭਪਾਤ ਵਿਰੋਧੀ ਕੇਂਦਰਾਂ ਅਤੇ LBGTQ+ ਵਿਰੋਧੀ ਸਮੂਹਾਂ ਦਾ ਸਮਰਥਨ ਕੀਤਾ ਹੈ - ਨੇ ਪ੍ਰੋਟੈਕਟ ਵੋਟਰਜ਼ ਫਸਟ ਕਮੇਟੀ ਦੀ ਸਥਾਪਨਾ ਕੀਤੀ ਅਤੇ ਕਮੇਟੀ ਦੇ ਮੁੱਖ ਫੰਡਰ ਹਨ, ਜਿਨ੍ਹਾਂ ਨੇ ਪ੍ਰਸਤਾਵ 50 ਦਾ ਵਿਰੋਧ ਕਰਨ ਲਈ 20 ਮਿਲੀਅਨ ਡਾਲਰ ਦੇਣ ਦਾ ਵਾਅਦਾ ਕੀਤਾ ਹੈ। 
• ਪ੍ਰਸਤਾਵ 50 ਦਾ ਵਿਰੋਧ ਕਰਨ ਵਾਲੀਆਂ ਕਈ ਹੋਰ ਕਮੇਟੀਆਂ ਹਨ ਜਿਨ੍ਹਾਂ ਨੇ 45 ਮਿਲੀਅਨ ਡਾਲਰ ਤੋਂ ਵੱਧ ਇਕੱਠੇ ਕੀਤੇ ਹਨ, ਜਿਨ੍ਹਾਂ ਵਿੱਚ ਸਾਬਕਾ ਰਿਪਬਲਿਕਨ ਹਾਊਸ ਸਪੀਕਰ ਕੇਵਿਨ ਮੈਕਕਾਰਥੀ, ਸਾਬਕਾ ਕੈਲੀਫੋਰਨੀਆ ਰਿਪਬਲਿਕਨ ਪਾਰਟੀ ਚੇਅਰਪਰਸਨ ਜੈਸਿਕਾ ਮਿਲਨ ਪੈਟਰਸਨ, ਕਾਂਗਰਸਨਲ ਲੀਡਰਸ਼ਿਪ ਫੰਡ ਅਤੇ ਕੈਲੀਫੋਰਨੀਆ ਦੇ ਕਈ ਰਿਪਬਲਿਕਨ ਕਾਂਗਰੇਸ ਮੈਂਬਰਾਂ ਵੱਲੋਂ ਸੰਚਾਲਤ ਅਤੇ ਫੰਡੇਡ ਕਮੇਟੀਆਂ ਸ਼ਾਮਲ ਹਨ, ਜਿਨ੍ਹਾਂ ਦੇ ਜ਼ਿਲ੍ਹੇ ਪ੍ਰਸਤਾਵ 50 ਦੇ ਪਾਸ ਹੋ ਜਾਣ 'ਤੇ ਵਧੇਰੇ ਮੁਕਾਬਲੇਬਾਜ਼ ਹੋਣਗੇ।

ਪ੍ਰਸਤਾਵ 50 ਬਾਰੇ ਗਲਤ ਜਾਣਕਾਰੀ:

• ਕੈਲੀਫੋਰਨੀਆ ਵਿੱਚ ਮੱਧ-ਦਹਾਕੇ ਦੀ ਮੁੜ ਵੰਡ ਵੋਟਰਾਂ ਦੇ ਹੱਥਾਂ ਵਿੱਚ ਹੈ ਅਤੇ ਇਹ ਸਾਡੇ ਲੋਕਤੰਤਰ ਅਤੇ ਨਿਰਪੱਖ ਚੋਣਾਂ ਲਈ ਖ਼ਤਰਾ ਨਹੀਂ ਹੈ - ਅਸਲ ਖ਼ਤਰਾ ਇੱਕ ਤਾਨਾਸ਼ਾਹੀ ਰਾਸ਼ਟਰਪਤੀ ਹੈ ਜੋ ਸਾਡੇ ਸ਼ਹਿਰਾਂ ਅਤੇ ਭਾਈਚਾਰਿਆਂ 'ਤੇ ਹਮਲਾ ਕਰ ਰਿਹਾ ਹੈ, ਉਨ੍ਹਾਂ ਪ੍ਰੋਗਰਾਮਾਂ ਅਤੇ ਸੇਵਾਵਾਂ ਨੂੰ ਖਤਮ ਕਰ ਰਿਹਾ ਹੈ ਜਿਨ੍ਹਾਂ 'ਤੇ ਅਸੀਂ ਸਾਰੇ ਨਿਰਭਰ ਹਾਂ ਅਤੇ ਰਿਪਬਲਿਕਨ ਰਾਜ ਦੇ ਆਗੂਆਂ ਨੂੰ ਬਿਨਾਂ ਕਿਸੇ ਵੋਟਰ ਇਨਪੁਟ ਦੇ ਆਪਣੀਆਂ ਚੋਣਾਂ ਵਿੱਚ ਹੇਰਾਫੇਰੀ ਕਰਨ ਲਈ ਨਿਰਦੇਸ਼ ਦੇ ਰਿਹਾ ਹੈ। 
• ਪ੍ਰਸਤਾਵ 50 ਸੁਤੰਤਰ ਕੈਲੀਫੋਰਨੀਆ ਨਾਗਰਿਕ ਮੁੜ ਵੰਡ ਆਯੋਗ ਨੂੰ ਖਤਮ ਜਾਂ ਉਸ 'ਤੇ ਹਮਲਾ ਨਹੀਂ ਕਰਦਾ ਹੈ। ਇਹ ਬੈਲਟ ਪੇਪਰ ਉਪਾਅ ਵੋਟਰਾਂ ਨੂੰ ਇਹ ਵਿਕਲਪ ਦਿੰਦਾ ਹੈ ਕਿ 2030 ਦੀ ਮਰਦਮਸ਼ੁਮਾਰੀ ਤੋਂ ਬਾਅਦ ਆਯੋਗ ਵੱਲੋਂ ਆਪਣੀ ਆਮ ਸਮਾਂ-ਸੀਮਾ 'ਤੇ ਮੁੜ ਵੰਡ ਸ਼ੁਰੂ ਕਰਨ ਤੱਕ ਇੱਕ ਨਵਾਂ, ਅਸਥਾਈ ਕਾਂਗਰੇਸੀ ਨਕਸ਼ਾ ਅਪਣਾਉਣਾ ਹੈ ਜਾਂ ਨਹੀਂ। 
• ਪ੍ਰਸਤਾਵਿਤ ਨਕਸ਼ੇ ਗੁਪਤ ਨਹੀਂ ਹਨ। ਰਾਜ ਵਿਧਾਨ ਸਭਾ ਨੇ ਅਗਸਤ ਵਿੱਚ ਪ੍ਰਸਤਾਵ 50 ਨੂੰ ਬੈਲਟ ਪੇਪਰ ਰੱਖਣ ਲਈ ਵੋਟ ਪਾਉਣ ਤੋਂ ਪਹਿਲਾਂ ਇੰਟਰਐਕਟਿਵ ਨਕਸ਼ੇ ਪ੍ਰਕਾਸ਼ਿਤ ਕੀਤੇ, ਜਨਤਕ ਸੁਣਵਾਈਆਂ ਕੀਤੀਆਂ ਅਤੇ ਨਕਸ਼ਿਆਂ 'ਤੇ ਜਨਤਕ ਟਿੱਪਣੀ ਦਾ ਸਵਾਗਤ ਕੀਤਾ। ਸਾਡੇ ਕਾਂਗਰੇਸੀ ਨਕਸ਼ੇ 'ਤੇ ਵੋਟਰਾਂ ਦਾ ਫੈਸਲਾ ਆਖਰੀ ਹੋਵੇਗਾ। ਮੱਧ ਦਹਾਏ ਦੀ ਮੁੜ ਵੰਡ 'ਤੇ ਵਿਚਾਰ ਕਰ ਰਹੇ ਕਿਸੇ ਵੀ ਰਿਪਬਲਿਕਨ-ਅਗਵਾਈ ਵਾਲੇ ਰਾਜ ਨੇ ਆਪਣੇ ਵੋਟਰਾਂ ਨੂੰ ਨਵੇਂ ਨਕਸ਼ਿਆਂ 'ਤੇ ਵਿਚਾਰ ਕਰਨ ਦਾ ਕੋਈ ਮੌਕਾ ਨਹੀਂ ਦਿੱਤਾ ਹੈ।
• ਪ੍ਰਸਤਾਵ 50 'ਤੇ ਗੁੰਮਰਾਹਕੁੰਨ 'ਨਹੀਂ’ ਵਾਲੇ ਪਰਚੇ ਵਿੱਚ ਚੋਣ ਸੁਧਾਰਾਂ ਅਤੇ ਵੋਟਰ ਅਧਿਕਾਰਾਂ ਦਾ ਸਮਰਥਨ ਕਰਨ ਵਾਲੇ ਸੰਗਠਨਾਂ, ਜਿਵੇਂ ਕਿ ਕੈਲੀਫੋਰਨੀਆ ਕਾਮਨ ਕਾਜ਼ ਅਤੇ ਲੀਗ ਆਫ਼ ਵੂਮੈਨ ਵੋਟਰਜ਼ ਕੈਲੀਫੋਰਨੀਆ ਦੇ ਉਦਾਹਰਣ ਸ਼ਾਮਲ ਹਨ। ਦੋਹਾਂ ਵਿੱਚੋਂ ਕੋਈ ਵੀ ਸੰਗਠਨ ਪ੍ਰਸਤਾਵ 50 ਦਾ ਵਿਰੋਧ ਨਹੀਂ ਕਰਦਾ ਹੈ। ਦਰਅਸਲ, ਕਾਮਨ ਕਾਜ਼ ਨੇ ਇਹ ਮੰਨਿਆ ਹੈ ਕਿ ਕੈਲੀਫੋਰਨੀਆ ਦੀ ਮੁੜ ਵੰਡ ਬੈਲਟ ਪੇਪਰ ਉਪਾਅ ਇਸਦੇ ਨਿਰਪੱਖਤਾ ਮਾਪਦੰਡਾਂ ਨੂੰ ਪੂਰਾ ਕਰਦਾ ਹੈ, ਜਦੋਂ ਕਿ ਟੈਕਸਾਸ ਨਹੀਂ ਕਰਦਾ।

ਮੁੱਖ ਵਿਸ਼ੇਸ਼ ਚੋਣ ਤਾਰੀਖਾਂ

ਵੋਟ ਲਈ ਰਜਿਸਟਰ ਕਰਨ ਦੀ ਆਖਰੀ ਤਾਰੀਖ: 20 ਅਕਤੂਬਰ 2025

ਯੋਗ ਨਾਗਰਿਕਾਂ ਲਈ ਜੋ ਵੋਟਰ ਰਜਿਸਟ੍ਰੇਸ਼ਨ ਦੀ ਆਖਰੀ ਮਿਤੀ ਤੋਂ ਖੁੰਝ ਜਾਂਦੇ ਹਨ, ਉਸੇ ਦਿਨ ਵੋਟਰ ਰਜਿਸਟ੍ਰੇਸ਼ਨ ਕਾਉਂਟੀ ਚੋਣ ਦਫਤਰਾਂ, ਪੋਲਿੰਗ ਸਥਾਨਾਂ, ਜਾਂ ਵੋਟ ਕੇਂਦਰਾਂ 'ਤੇ ਉਪਲਬਧ ਹੈ।

ਕੈਲੀਫੋਰਨੀਆ ਦੇ ਸਾਰੇ ਰਜਿਸਟਰਡ ਵੋਟਰਾਂ ਨੂੰ 6 ਅਕਤੂਬਰ, 2025 ਤੋਂ ਉਨ੍ਹਾਂ ਦੇ ਕਾਉਂਟੀ ਚੋਣ ਦਫਤਰ ਤੋਂ ਵੋਟ-ਬਾਈ-ਮੇਲ ਬੈਲਟ ਪ੍ਰਾਪਤ ਹੋਵੇਗਾ।

ਆਪਣੇ ਵੋਟ-ਬਾਈ-ਮੇਲ ਬੈਲਟ ਡਾਕ ਰਾਹੀਂ, ਕਿਸੇ ਡਰਾਪ-ਆਫ ਸਥਾਨ 'ਤੇ, ਜਾਂ ਆਪਣੇ ਕਾਉਂਟੀ ਚੋਣ ਦਫਤਰ 'ਤੇ ਵਾਪਸ ਕਰੋ।

• ਬੈਲਟ ਡ੍ਰਾਪ-ਆਫ ਸਥਾਨ 7 ਅਕਤੂਬਰ ਨੂੰ ਖੁੱਲ੍ਹਣਗੇ
• ਵੋਟਰਜ਼ ਚੁਆਇਸ ਐਕਟ  ਅਧੀਨ ਆਉਣ ਵਾਲੀਆਂ ਕਾਉਂਟੀਆਂ ਵਿੱਚ 25 ਅਕਤੂਬਰ ਤੋਂ ਪਹਿਲਾਂ ਨਿੱਜੀ ਤੌਰ 'ਤੇ ਵੋਟ ਪਾਉਣ ਲਈ ਮਤਦਾਨ ਕੇਂਦਰ ਖੁੱਲ੍ਹਣਗੇ।
• ਡਾਕ ਰਾਹੀ ਭੇਜੇ ਜਾਣ ਵਾਲੇ ਬੈਲਟ ਪੇਪਰ ਚੋਣ ਦੇ ਦਿਨ ਜਾਂ ਉਸ ਤੋਂ ਪਹਿਲਾਂ ਦੀ ਡਾਕ ਟਿਕਟ ਲਗਾ ਕੇ ਭੇਜੇ ਜਾਣ ਅਤੇ ਇਹ ਗਿਣਤੀ ਲਈ 12 ਨਵੰਬਰ ਤੱਕ ਪ੍ਰਾਪਤ ਹੋ ਜਾਣੇ ਚਾਹੀਦੇ ਹਨ। ਆਪਣਾ ਬੈਲਟ ਜਲਦੀ ਭੇਜੋ ਤਾਂ ਜੋ ਇਹ ਗਿਣਤੀ ਵਿੱਚ ਸ਼ਾਮਲ ਹੋ ਸਕੇ।

ਵੋਟ ਰਜਿਸਟਰ ਕਰਨ ਲਈ ਯੂਅਰ ਪਾਵਰ ਇਜ਼ ਯੂਅਰ ਵੋਟ 'ਤੇ ਜਾਓ, ਆਪਣਾ ਵੋਟਰ ਰਜਿਸਟਰੇਸ਼ਨ ਜਾਂਚੋ ਅਤੇ ਚੋਣ ਸਬੰਧੀ ਰਿਮਾਈਂਡਰਾਂ ਲਈ ਸਾਈਨ ਅਪ ਕਰੋ। ਕੈਲੀਫੋਰਨੀਆ ਸੈਕਟਰੀ ਆਫ਼ ਸਟੇਟ ਦੇ BallotTrack ਰਾਹੀਂ ਸਿੱਧੇ ਆਪਣਾ ਬੈਲਟ ਟਰੈਕ ਕਰਨ ਲਈ ਸਾਈਨ ਅਪ ਕਰੋ ।  

>> ਯਕੀਨੀ ਬਣਾਓ ਕਿ ਤੁਸੀਂ ਵੋਟ ਪਾਉਣ ਲਈ ਰਜਿਸਟਰਡ ਹੋ, ਅਤੇ 4 ਨਵੰਬਰ, 2025 ਤੱਕ ਪ੍ਰਸਤਾਵ 50 'ਤੇ ਆਪਣਾ ਬੈਲਟ ਹਾਂ ਵਿੱਚ ਵਾਪਸ ਕਰੋ! <<